突然諗到會讀書嘅問題，見到安咁努力我都覺得好開心。因為回想起自己讀大學嘅時候，好似冇俾心機，好似無乜點學到野。有時候都會後悔自己如果俾心機讀好啲，今日可能搵工都會易啲，出路又會多啲。至少，搵政府工都無咁困難。有諗過一個問題，如果當日唔係報讀中學嘅PGDE，而係小學的話，雖然今年可能都係做全職學生，但出年就好大機會有教席。但bygone is bygone啦。反而見到安咁俾心機，我對佢都投下左信心嘅一票，因為我相信安係會迎難而上，愈讀愈好。就算不能first hons，都可以打好一個基礎，繼續讀其他野上去，或者去第二間學校讀書。呢半年發現安最大嘅改變係，開始敢於探索新嘅事物，雖然，有時你都會驚。但自從你報咗交換之後，個人好似大膽作。咁係一件好好嘅事，世界好大，安有能力應該出去睇下。將你睇到嘅野，記錄低感受低，返嚟就話俾我聽。