頂得住既

今個星期真係有啲唔開心，覺得好大壓力。因為實習就快來，而且手頭上就有好多工作未完成。加上阿媽又好似肥咗D壓力我，好似做左兩年野， 人工又冇乜點加，好似見唔到啲咩前景感 。其實都唔啱嘅嘢，咁我又真係比好少家用，如果有能力，都應該搵多啲錢俾多啲。儲多啲錢就好， 等將來冇咁辛苦吖嘛。

對未來有時候都有D失望，就好似今年開始讀PGDE咁，好似會比呢個課程困住左兩年咁。而且，又唔知道兩年之後到底可唔可以入學。就算入到行又唔知會唔會續約 。有時候都好羨慕你可以揀一啲可以做嘅工作。好似政府工咁。我覺得呢啲機會好難得，我自己就好難去爭取到。所以我成日都鼓勵你去試。某程度上係因為我知道自己一定冇可能做到，所以如果你有機會我都會支持你去做。但當然我都想你係做得開心做得輕鬆。

見到你開始有番鬥心我都覺得好開心，雖然ao 就好難考，但一試都無妨考唔到咪當我個經驗囉。自己大學讀書成績差無資格考ao，所以俾個機會留返俾你啦。其實諗落，我唔教書去邊啊英文考EO 我都唔錯，都係手板眼見功夫野。我應該做得掂嘅。不過唔理咁多啦搞掂做過實習先，睇吓出年有無得升職或者有得教書啦。

打住咁多先，下次先講我對你同日文同學相處嘅感受啦，掉下來引先嘻嘻。