喜慶羊羊

輕輕鬆到羊年，希望今年我倆繼續甜蜜幸福兼食極唔肥 －－－－－－－－－－－－－－－－－－－－－－－－－－－－－－－ 

想起幾日前，第一次小小的唔會，令到嬲左我。雖然只是一件小事，或者唔講你都唔記得，但有時諗返起，就知道自己有幾咁醒目， 成日都會激嬲你。可能有時只是好少既事，但我又真係唔係好識氹你，成日都要你自己氹返自己。諗落自己都幾衰。 

仲有發現自己嘅耐性好似越來越少。對於各方面都越來越少耐性。可能因為工作壓力比較大，而且亦都比較急促，加上PGDE的功課又開始多，又開始緊實習，難免真係有點壓力。同埋又想嚟緊下學年換個新嘅position ,想升職加人工，又真係要更加努力。雖然都希望得到安子的體諒。 

其實諗番安子都好少嬲，就算係嬲左 ,好多時都係好小事。加上可能你知道我唔係好識氹人，所以嬲到費事。希望新嘅一年，我會激少啲安子，等佢可以開開心心過羊年。 

你話你自己情緒化，其實好似好多嘢都好易嬲， 我又唔係好覺喎。可能你媽對你成二十年，加上佢又係情緒化，所以佢先咁睇你姐。因為我覺得因無情緒其實幾恐怖。有情緒先係有血有肉嘛，對不。可能有陣時身邊嘅人太接受自己有情緒，但總有人會樂意做你發洩嘅對象。哈哈，可能果個人就係我呢，對不。雖然有時都覺得自己做得唔係幾好，但希望你會好好咁向我發洩 ，因為發洩落我度基本上係無成本。但我都希望自己可以做得再好啲，等你可以舒服啲。